دكيت باب الوطن وبوابه مسدوده
ومن فتح بابه نزلن دمعات بخدوده
صب الدمع وشتكه من غير ما يحجي
وصعبه علي من شفت عين الزطن تبجي
اه يا وطنه الحلو راحت حلاتك وين
راحت وصارت قطع سوده على الحياطين
اه يا وطنه الحلو يا زين يا غالي
مو انته الاول جنت ليش اصبحت تالي
الناس جانت كبل تتوسل تشوفك
هسه صفت بالعكس تتوسل تعوفك
ابجي على بلدي ابجي على بغداد
عل المتحف اابجي انه وتاريخي والامجاد
ابجي على الصحفي ابجي على الفنان
عل الماي ابجي انه والشجر والاغصان
ابجي انه عل القتل ما بين هل الخوان
وابجي انه عل الغدر وعلاسه الجيران
ابجي على مذهبي ابجي على ديني
عل القبله صار الذبح بيد المخاويني
نذبح بعضنه ذبح والاجنبي المحتل
نتوسله بالبلد يبقه ولا يرحل
السبب خوف الشعب من حرب اهليه
ومن معركه طاحنه سنيه شيعيه
المن يكون النصر والمن يكون التاج
ويا مذهب الينتصر وتحج اله الحجاج
من يا تره المنتصر لو فاض بينه السيل
ولكم تره المنتصر امريكه واسرائيل
هذا العراق الحلو بيه الزمان اندار
ولو نار هسه طفت تشتعل باجر نار
الليل هذا الحلو الي يخبل بغداد
اصبح يضيق الخلك وايامه ما تنراد
والماي ذاك العذب ما عاد نفس الماي
روجاته تنزف دمع واحزان بيه اهواي
هذا العراق الحلو ما غيره حبينه
وبغداد بيت الامل البي تربينه
شاف العراق الحلو من الهموم اشكال
ويامه انجرح هالوطن بس ما بجت عينه
ونصحونه يا مه بشر نرحل الغير بلاد
ما عفنه هذا البلد ونحبه ظلينه
وخايف يضيع الوطن ما بين هذا وذاك
وشيعوضه النه الوطن لا مال لا اولاد
نحتاج مال الدول اموال تنطينه
بس لو طلبنه وطن منهو الي ينطينه

جميلة جدا جدا جدا
القصيدة روعة وصور اروع

سلمت يداك
وتقبل مروري
الشاعر محمد العبيدي

_________
انا لم اقل اني سارهن للنساء قصائدي
طول الحياة وباسمهن اقاتل
لا شيء
يعلو فوق صوت قصائدي فتعلمي شيء صغيرا واحد
اني عن كبرياء قصائدي لا اتنازل