قصيدة إلى من لا يهمه الأمر

احمدالموسوي · #1 10-07-2008

إلى من لا يهمه الأمر

ياغريب اشلون تغمض عينك ومتشوف ناسك
اشلون تمشي بين غربة اشلون كلي اتشيل راسك
ابلاية أم ابلاية كاع .
الجدم فاس
وكاعك اتحن وتون لشفاف فاسك
الكاع أم..
وجانت أتحضنك اذا مر الشته والبرد جاسك
وهسه تسألني عليك ؟
اشلون نام؟
اوين نام؟
ومنهو اليدثرة اذا يشمر غطاه ؟
ومنهو اليسكته اذا فز من منامة
وطيف خوف بساعة متأخرة لفاه
بس . تعال؟
تعبت عيون الشوارع
من كثر ما جانت الجيتك تباوع
وتذكر الشارع البي انته ربيت
الخلصت عمرك بحضنه ومادريت
سمع بيك انته أجيت
والله شارعكم حنين
أي حنين
ركض كبل اهلك يهلل
وصعد فوك أعلى عمارة
أعلى بناية
وحط رصيفة على عيونه
الجيتك رايد يباوع
وصلّت الوادم جماعة ورفعت جفوف الدعاء
ومدت من عيونهه
من عيونهه الوادم دمع بسم الرجاء
وجان يشبه جف حزين العوز كل عمره خذاه
وطلبوا من الباري زخه أتمر عليهم
وتروي كيض افراكهم لمن تجيهم
زحمة والله اعليك مو شانك يبو الغيره خلية اترد اديهم
يا ابن ذي قار بسم امك اصيحك مو اعيرك
لا أذكرك
وارد احلفك بالشهامة؟ بالمضيف؟ أرد أسأل؟
هم تمر ساعات بالغربة وتحن لعيون ابوك
العراق المحني ظهره على افراكك. هو ابوك
عيون ابوك
الجرن من هامه لعد جدم الكصب
جروح جانن مو عيون
وفركتك نار وحنين الاب حطب
تدري انته بحال ابوك؟
الجان يسكت لو حجه احجايه السلف
أخلاف عينك؟
صار يسكت من يمر طاري الشرف
وتدري انته عكال ابوك ؟
اخلاف عينك !!
ممشى لنعال السرف
***************************
أول محاولة لي بكتاب القصيدة المفتوحة
فأرجو ان تنال اعجابكم

جرح الغربه · #2 10-07-2008

عاشتتتتتتتتتتت ايدك والله مو طبيعيه وننتضر المزيد من الابداع

احمدالموسوي · #3 10-07-2008

جرح الغربه ممنون لمرورك الجميل
على موضوعي المتواضع شكرا لك

جنابية وما اتنازل · #4 10-08-2008

عاشت الايادي وربي مدمرة

احمدالموسوي · #5 10-08-2008

والله لا تتنازلين واضم صوتي الج
والله وكفو من الجنابية شكرا لمرورك

ظافر عدنان · #6 10-08-2008

تسلم حبببببببببببببب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري