برنامج يسويلك الحاسبة طلقة 2008 + الكراك + برابط واحد مباشر + الشرح بالصور((حصري))

#1 10-08-2008

هلوو شلوونكم شباب

اليوم حبيت اقدملكم برنامج خرافي لزيادة سرعة الكومبيوتر

و اني مجربه و شايف الفرق شلون جبير

طبعا بالاضافة الى زيادة سرعة الكومبيوتر فهو يسوي بعد وظائف اضافية

مثلا

يزيل ملفات التجسس و الي تبطئ الحاسبة

يسرع النت بالحاسبة و يمسح ملفات الكوكيز و التيمب و الملفات الزايدة

يصلح كل الاخطاء بالحاسبة الي تخليها تثكل

و هم بي خاصية تسوي
Uninstall
لاي برنامج و تمسحه من جذره من خلال هذا البرنامج

بعد مذكرنه مواصفات و وظائف البرنامج

نجي للشرح مالته

طبعا اول شي بعد منزل البرنامج ندوس كلكين عل الايقونة و نبدي انصبه

نختار مثل ما بالصورة

نختار المكان الي نريد انصبه بي

نأشر عل الاختيارات و الاول مال نحط ايقونة بسطح المكتب للبرنامج و الثاني ايقونة مال تشغيل سريع و بكيفك تريد تأشرها او لا و الافضل تبقيها

رح يبدي التنصيب و يخلص

هسه لمن خلص التنصيب نجي نفعل البرنامج

اول شي ننسخ الباتش الي ويه البرنامج .. ننسخه نودي لنفس مكان ملفات البرنامج مثلا اذا نصبت البرنامج عل السي رح يكون هذا مكان ملفات البرنامج

C:\Program Files\Uniblue\SpeedUpMyPC 3

و الكل طبعا يعرف شلون ينسخ الكراك و يودي لمجلد البرنامج

بعد منودي للباتش ندوس كلكين عليه و نختار مثل ما بالصورة الجوه

هسه ندوس كلكين على البرنامج بسطح المكتب و الي صار كامل و مفعل

اول مندوس عل البرنامج رح يسوي سكان للجهاز و يبحثلك على شكو مصيبة بجهازك مبطئته

و مثل ما بالصورة و احنه نعوفه الا ان يكمل

و بعد مرح يخلص الـ
Scan
رح يطلعلنه الاخطاء و الاشياء الي لكاها و الي تحتاج لو مسح لو تصليح حتى تزداد سرعة الكومبيوتر و اغلبها ملفات معطوبة و اخطاء بالنظام و احنه نختار
Optimize
حتى تتصلح كل هاي الاخطاء

مثل ما بالصورة

بعد مندوس على
Optimize
رح يبدي البرنامج يعالج كل الاخطاء و كل الشغلات الزايدة بالنظام يعدلها

بعد مرح يصلح الاخطاء كولها رح يكولك اداء الحاسبة صار High يعني الكومبيوتر ازدات سرعته و كل الاخطاء و المشاكل انحلت و انمسحت

و مثل ما بالصورة

و طبعا لازم تسوي كل يوم سكان للجهاز حتى تنمسح اخر الاخطاء و المشاكل

و تكدر تسوي اتوماتيك سكان يعني كل يوم لو كل اسبوع

:::::::::::::::::::::::::::::::::::::::::::::::::: ::::::::::::::::

هسه بعد مخلصنه الشرح و الوظائف

نجي للتحميل

التحميل برابط واحد بي البرنامج + الباتش

http://www.uuploadit.com/users/GHOSTRECON7SHASHA/SpeedUp%20MyPC%20......MriraQ.Com.zip

بالنهاية انشالله يعجبكم البرنامج

و اي استفسار او سؤال اني حاضر

و انشالله الكل يستفادون

تحياتي
ღ°•زمــنـــے الــحزنـــے™•°ღ

*سرى* · #2 10-08-2008

يسلمووووووووووووووو

ضل الروح · #3 10-08-2008

الف شكر اللك زمن والله اني كنت محتاجه كلش هواي شكرا جزيلا واني بنتضار جديدك

#4 10-08-2008

انشاء الله استفاديت منه يا ضل الروح..تحياتي

عاشق المحبة · #5 10-08-2008

شكرا حبيبي على هذا البرنامج الرائع و ان شاء الله يكون شغال

#6 10-08-2008

حبيبي الغالي البرنامج شغال ميه بميه واي شكال هندك خبرني واني حاضر يا ورده

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري