مشتاكَه الشفايف بوسة احباب

غزاله ماتنصاد · #1 10-09-2008

مشتاكَه الشفايف بوسة احباب

مشتاكَه الشفايف بوسة احباب
مثل كَطرة مطر وتبوس بوردة

احبك حب نهر من يعشكَ ابلام
يفرح من تشكَ برويحته وصدره

لا تسأل احبك أسأل الروح
هيّ أعلم اظن بمحبتي وادرى

احبك حب تسامح حب الزغار
مثل فلاح عاشكَ طيبة الشجرة

واحبك حب مضيف ايحب الدلال
دارك عشكَ شيخه ويفهم بكَدرة

واحبك من كَبل لا تعشكَ الناس
جان اول عشك من دمي خط سطرة

واحبك حب مشاعر فوكَ السطور
واذوبن بالسطر لو بس علي تطره

واحبك حب صحاري امفطرة تنوح
دنكَت راسها وما حنت الكَطرة

واحبك حب جهال اتحب الّعياد
تحب الضحكه والبسمات بالفطره

جذب حالي ابعادك ينحسب حال
حالي من العدم هم ينحسب اردى

حسن العكيلي · #2 10-09-2008

عاشت ايديج على الكلام الجميل
مشتاكَه الشفايف بوسة احباب
مثل كَطرة مطر وتبوس بوردة

تقبلي مروري

لولو عاشقة العراق · #3 10-09-2008

يسلمو حياتوووووووووووو روعة وربي حيل حلوة ربي يوفقج عيووني
تقبلي مروري

عاصى · #4 10-09-2008

ما راح اعلق على هيج كلام حلو بس اقول
خلينى الك قنطرة و عبر عليه الاف
و سفنى سفيف النخل تلكانى باول ساف

احمد الحــــــزين · #5 10-09-2008

عاشت الايادي

أوس ابن الرافدين · #6 10-09-2008

عاشت الأنامل التي صاغت هذا الكلام الذي أثلج صدري والذي جعلني أقف كصنم اتأمل في معاني الحب والأشواق
شكراً لكِ مجدداً وتقبلي مروري البسيط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري