قصيدة الى حبيبتي والله مشتاگ حيل مع رابط الاستماع بصوتي شوفو شوگ العشاگ

الشاعر حاتم الهاشمي · #1 10-12-2008

بعد أن ارهقني واتعبني بعدي عن حبيبتي بغداد كتبت لها هذه الابيات المتواضعه في كل شيء ألا في مقدار حبي لبغداد اقدمها هدية للمنتدى والاعضاء الكرام ورابط الاستماع المباشر للقصيدة بصوتي في اسفل القصيدة اتمنى ان تنال رضاكم مع التقدير .................................................. حاتم الهاشمي
(( بغداد))
هزني الشوگ يابغداد وبيه ضاگت الوسعه
بچيت وبالعجل حنيت وفي وطبع العراقي حنيين بطبعه
ومو عيني أل بچت والله كل اعضاي
گهدت وأسگطت دمعه
عشگتج عشگ يابغداد ......................عشگ عذري
عشگ ولهان حد الموت
مثل عشگ الشلب والماي عشگ الگاع والفلاح
مثل عشگه لمايه وطينته وزرعه

عشگتج ليل يابغداد وأنا بحضرتچ شمعه
وأنور ظلمتچ ممنون أذوب وأحترگ دمعه
يا أجمل بلاد أنخلقت بهالكون
ياجنة عدن يلصورتچ روعه
يا أم الحضارة ودرة التاريخ
يامنبر الحق وللعلم قلعه

يم الخير يابغداد يلگربچ عبادة وفرگتچ بدعه
فرض حبچ علينا وبيج متمسكين
يا أجر الصيام وفضل ألف ركعه

روحي تلوج يابغداد ........شاغت للسما السبعه
أحس روحي ..........................أحس گلبي
يصيح بصوت حتى الاطرش يسمعه
أحبچ يانبض يجري بشراييني
يلطاهر حليبچ وأبد منشبعه

هزني الشوگ...............هزني الشوگ
أحس روحي غريبه وبي ألف وجعه
وأحس بعيوني ...........يجرن نار
چن تيزاب ذبت ماتذب دمعه
وأنا عگبچ سمچ محروم من الماي
وعلى بعادج ضعيف ومالي كل جرعه
هزني الشوگ يابغداد وچن روحي تلوج مگربه الطلعه
وچن گلبي ينادي الغاليه بغداد
محتاج الحبيبه تواصله تودعه
محتاج الحبيبه تواصله تودعه

رابــــــــــــط الاستماع للقصيدة

رابط التحميل
http://up5.m5zn.com/cujkkx6kmzq7/___...______.mp3.htm

ــاّلســــاحــــرة · #2 10-12-2008

عــآـآشــت الايـآـآدي خ ـيوو
دمــت بـهذا التـألــق ,,,,

الشاعر حاتم الهاشمي · #3 10-13-2008

الساحرة السلام عليكم ورحمة الله وبركاته .
شكرا لك مرورك وتعليقك وأعجابك بقصيدتي حافز لي لكتابة الاحسن دمت لي مع التقدير الشاعر.........حاتم الهاشمي

*** قمر الزمان *** · #4 10-13-2008

يسلموووو قصيده روووووووووعه تقبل مروري

الشاعر حاتم الهاشمي · #5 10-13-2008

قمر الزمان شكرا لك تشريفك قصيدتي عبر مرورك الرقيق وتعليقك اللطيف مع حبي وتقديري اخوكم الشاعر حاتم الهاشمي

ام احسان · #6 10-13-2008

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري