أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[كراميلا ❥]

لكل الالوان المُضيئه هُنا ..تَحيه طَيبه​

أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾​

لنُخصص هذا الرُكن لما نحبه من ومضه قفشات شعريه ..​

أي حديث يتعلق بالشعر الشعبي​

​

​

بانتظار مشاركاتكم​

 

[كراميلا ❥]

مو بيدي من ابتسم
كلما حچوا عنك
بس انتَ ضحكة
طفل ماينشبع منك
والروح لمن
تمر يابه شكبر حظها
وعيوني اذا شافتك
جيب اليغمضها
مرتاح يمك واحس
كل الخساير قبل
بيك الله عوضها

 

[كراميلا ❥]

كاتِل وحارك بيت
يّم ديرة هِواي وبّس گِلي
الك مشتّاك
گِتله الفچِر جاي

 

[كراميلا ❥]

شوَكت ترهم
واشوفك يمَي غافي
واگلك مَن تفز نوم العَوافي

 

[قائد نعمان]

كلما تمر بالروح نسمه اضحكلها
بلكن تجيب اخبار منك وكلها
بقلمي الان
افتتاحيه هههه​

 

[قائد نعمان]

اكو فقرة مشابهة
لازم نسويلهم دمج
بس ماعرف منين ادمج المواضيع المشابهة

 

[كراميلا ❥]

كلما تمر بالروح نسمه اضحكلها
بلكن تجيب اخبار منك وكلها
بقلمي الان
افتتاحيه هههه​

الله الله
نورت وأكثر

 

[كراميلا ❥]

تدخل على قسم وتخلي صح تحدد المواضيع وجوه تاخذ اجراء الدمج
مثل الي بصوره

 

[قائد نعمان]

مو نفس القسم لازم ننقل المشاركة للمشاركة الثانية للقسم الثاني
وهنا يحتاج ادوات الموضوع او مربعات بجانب كل موضوع لغرض التاشير
وننزل للاسفل نلاقي اختيارات الدمج والنقل وغيرها

 

[كراميلا ❥]

اي عادي انت اشر على موضوع وروح للقسم الثاني اشر على موضوع الثاني بغير قسم عادي تجمع مواضبع من جميع الأقسام بضغطه وحده

 

[قائد نعمان]

اي عادي انت اشر على موضوع وروح للقسم الثاني اشر على موضوع الثاني بغير قسم عادي تجمع مواضبع من جميع الأقسام بضغطه وحده

انتي ادمجيها انا ماتطلع عندي اي صلاحيات بعد حتى القسم الادبي لان من تغير عنواني راح كلشي

 

[كراميلا ❥]

انتي ادمجيها انا ماتطلع عندي اي صلاحيات بعد حتى القسم الادبي لان من تغير عنواني راح كلشي

اني ماعدي بس قسم العام باقي ماعدي

راسل الإداره على الصلاحيات اطيهم خبر

 

[كراميلا ❥]

شتاگيتلك وكت الفجر...
لاهوه ليل وينسهر...


ولابيه اكمل نومتي..

 

[قائد نعمان]

هلت علينه البركه
يالشوفتك مباركه

 

[كراميلا ❥]

وديلي لو بس صورتك
بس صورتك هم كافيه
مشتاكلك ما حصلك
چن شايب وحنيت الك
لمن يحن للعافيه

 

[كراميلا ❥]

بَعيوني
أريدك تجي
لو بَس حلم عَابر
انطيني نسمّة هوىٰ
و براحتك سافر
لو گلبي ، لو خاطري
ما أعرف شكاسر .

 

[اموري]

افتتاح موفق
لجهودكم باقات من الشكر والتقدير
على المواضيع الرائعه والجميلة

 

[كراميلا ❥]

حياك الله

 

[كراميلا ❥]

طالت غيبتك يا مفاركَ العين
وظل يمي خيالك ليش عفته
شأتحمل بعد ما عندي كَلبين
كَلب واحد يتيم وانته اخذته

 

[قائد نعمان]

يل تدري بينا اشلونا
عطشانه ليك عيونا