أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلشي چذبة

حتى هذا اللون الابيض بالعرس ماكمت احبه

كلشي چذبة

اهلي چذبة

انت چذبة

الموت والنار الحچوهن ذني لعبة

كلشي چذبة

حتى ذن اخطوط ادية ايجوز جاهل شخبط بمسمار بيه

حتى وجهي اليضحك بوجه المراية

يجوز واحد كاعد ويضحك عليه

حتى من كتلك احبك چانت الكلمة فراشة وطارت من اچفوف اديه😔
 
هذا حجيج لو حجي الناس اليحد بسنونه سيفه
شو انتي مثل ذاك الجرح ، يطيب ويرد على حيفه
انا روحي معلكه بطيوف، كلمن اخذ طيفه
وانتي دستي على الجرح ، واليستحي يدوس عل كيفه
اني عشت وياج رفجه ، وأدري بالروح لمحاريج خفيفه
 
اليوم لمه وباجر اموادع ولاواحد.. شلع
وباجر تغيم هجر.. شنهو المصير
ومزنه تنحب يمته يرجع
مكسرة بصدري المحنه
ويمته تطلع
 
كافي يوميه نتعارك عل المذاهب!!
كافي كلمن لام ربعه
وطالع الغبشة يحارب!!
ابنوا فكره..
رسموا صوره.خرجوا طالب!!
ربّوا للطفله گصايب!!
حطّوا ضحكة بوجه كل انسان شايب!!
فرحوا جيل بعمره ما يعرف سعادة
ولا تزّيدون الوكت ضيم ومصايب!!
الدين ما يحتاج فتوة !
وجنة الله انخلقت لكل طينة طيبة
الجنة مو بس للگرايب!!
والله واضح ما يهمه الناس تسجد!!
بس يهمه الناس لو عاشت حبايب!!
 
ليش متباهي بكيانك؟
خلي عندك صم مشاعر
انا احتاجك اذا مرني الهيام
وانت بس انت الگبالي
وانت صمام الأمان
ليش معجب بالآنا
وليش كلبك مو تمام
حاول تكون انت يوسف بالصبر
وانه قيسك بالغرام
وبالأخير الدنيه تصفه
بلكي تجمعنا الايام
 
يجب تسجيل الدخول أو التسجيل كي تتمكن من الرد هنا.
عودة
أعلى